Ua tuua le atunuu e le afioga i le Ao o le Malo ma lana masiofo i le faamoemoe e auai i le faauuga o le a faapale ai le Tupu o le Malo o Peretania tele, lana Maiesetete le Tupu o Salesa III.
O lea foi sauniga mamalu o le a faapale ai ma le masiofo o Camilla. O le Amepasa o Samoa i Peleseuma le tamaitai o Francella Strickland ma le Amepasa o le malo o Samoa i Europa le afioga Fatumanava Dr Pa’ō Luteru o le a auai faatasi ma le Ao o le Malo ma lana masiofo i lea faamoemoe o le Malo o Peretania.
O le fono a taitai o Malo o le Taupulega o le a talimalo ai Samoa, o le uluai fono lea o le a auai le Tupu o Salesa III i lona tulaga o le Faaao o Malo o le Taupulega sa seei ai lona tuaa tina le Tupu o Elisapeta II ua tuumalo.
O le vaiaso fou ua faamoemoe e toe taliu mai ai i fanua le lato i le ea ma le opea i le ala o le afioga i le Ao o le Malo afioga Tuimalealiifanao Vaaleto’a Sualauvi II ma lana masiofo afioga Faamausili Leinafo Tuimalealiifano.
