Ua iai popolega i le Northern Marianas ina ua faamaonia le aafia o ni pepe se lua i le ‘aisa poo le methamphetamine i le taimi na fananau ai.
Ua faailoa i lipoti mai le RNZ faamatalaga mai le Division of Youth Services i lea atumotu o ni ulua’i matāupu ia ua faapea ona alia’e mai i le amataga o lenei tausaga ma e iai foi le isi matua ua faamaonia le faaaogāina o le cocaine.
Mai ia Oketopa ia Tesema o le tausaga talu ai na su’esu’e ai e le vaega lea mo le puipuia o tamaiti matāupu faapea e aofia ai ma le fanauiti ma popolega i le faaaogāina o fuālaau faasāina i aiga ma ua lapata’ia tagata o le komiuniti ina ia fesoota’i i auaunaga mo fesoasoani faavavave pe afai o iai ni popolega mo le saogalemū o le fanau.
Puna o Faamatalaga: https://www.rnz.co.nz/international/pacific-news/584075/more-newborns-test-positive-for-methamphetamine-in-the-northern-marianas
