E 3 atunuu maumea o le a faimalaga iai le Peresetene o Amerika i le vaiaso nei e aofia ai Saudi Arabia, Qatar ma le United Arab Emirates.

Fai mai lipoti talu ona toe foi ane Trump i le Fale Pa’epa’e ua faaleleia atili sootaga ma atunuu ia auā sa le’i iai i se tulaga faapea i le taimi o Joe Biden.

Fai mai le CNN o le vaai a atunuu ia i le taimi nei ia Amerika, o le taimi lenei e faamau lelei ai sootaga ma Uosigitone ma atili faamautū ai foi avanoa i lea mafutaga ma le atunuu aupito malosi i le lalolagi.

Ua ta’ua i le lipoti o le tulaga lava tau le puipuiga mautū o loo manana’o ai tagata Saudi Arabia mai le malaga atu lea a Trump.

O le tausaga talu ai na tuu e sainia ai se maliega a Amerika ma Saudi Arabia e faatatau i le puipuiga ma fefaataua’iga peita’i na lē taunuu ma e lē taumate o se tasi lea o matāupu o le a toe faatalanoaina ai i le aga’i o Trump.

O loo silasila foi le United Arab Emirates i sa latou fuafuaga e faatatau i le faaaogāina o le AI ma faiga tau tekonolosi o loo inivesi ai.
O Qatar foi o se paaga i itu tau le puipuiga ma Amerika ma o se paaga ma Amerika i matāupu tau i le fofōina o faafitauli, mediator i nisi o faafitauli e tutupu i itulagi o loo lalata ane.

Puna o Faamatalaga: https://edition.cnn.com/2025/05/11/middleeast/trump-visit-gulf-arab-states-saudi-uae-qatar-intl