E iai le talitonuga o se tasi o su’esu’ega sa faia a Amerika e ono faaaogā e Lusia se tasi o ana a’upega faasaga ia Ukraine i ni nai aso o lumana’i.
O le ituaiga a’upega lea o le missile ua silasila iai le ausu’esu’e a Amerika o se taumafaiga a Lusia ina ia tali ane ai pea ia Ukraine.
Ua toeitiiti 3 tausaga o le taua a Lusia ma Ukraine lea ua folafola e Trump o le a ia faaumaina pe a aga’i ane i le tofi.
I lea lava lipoti mai Amerika ua faailoa ai na mua’i fana e Lusia le ituaiga a’upega lea ia Novema i le aai o Dnipro i Ukraine, e lei iai ni lipoti o ni soifua na aafia ai.
Fai mai le Pentagon o le ituaiga a’upega lea e faaigoa o le Oreshnik ma e mafai ona lele i le mamao e i le va o le 500-5500 kilomita.
