O le ofisa o Femalagaa’iga a Amerika lea na aofia o latou sui i le faalavelave na tupu mai i Minneapolis ua o latou faailoa o le a aga’i atu o latou sui poo agents e fesoasoani i le itu tau i le puipuiga i le taimi o taaloga o Winter Olympics lea e amata i le aso 6 o Fepuari i Italia.
Ua faailoa ai le lē fiafia o le pulenuu o Milan ma faailoa ai e lē taliaina ia ofisa poo agents i lo latou faaitu.
Fai mai lipoti a le BBC e lē o se mea fou le tulaga lea o le tuuina atu o le puipuiga i ni faamoemoe tetele faavaomalo ae e faatonutonu lava le pulega a Italia lea e talimalo i taaloga.
O le faamatalaga mai le minisita o le va i fafo a Italia o Antonio Tajani ua ia ta’ua ai e leai ni sui mai Amerika e aliali i magāala o Italia se’i vaganā officials ma leoleo.
O ICE agents a Amerika poo i latou ia e galulue i auaunaga tau femalagaa’iga a le malo tele ua aga’i iai faitioga ona o faalavelave na tafana ai nisi i Amerika e aofia ai Renee Nicole Good, Alex Pretti ma isi.
Puna o Faamatalaga: https://www.bbc.com/news/articles/c5y29xzjdzvo
