Ua tuuina atu se tusi mai le Peresetene o Amerika, Donald Trump i le Peresetene o Isaraelu ma talosagaina ai lona faamagalo o le Palemia o Isaraelu, Benjamin Netanyahu ona o se matāupu ua faaumiumi i le faamasinoga ma ua vaeluaina ai finagalo o le atunuu.
Fai mai le 9News o le taumafaiga lata mai lea a Trump e faalavelave i le matāupu lea mo se fesoasoani ia Netanyahu peita’i ua laga ai ma ni fesili i le manatu o le to’atele i le tele o se sao poo se influence a Trump i matāupu faalotoifale a Isaraelu.
Sa valaau foi Trump mo se faamatalaga o Netanyahu i lana lauga sa faia i le Palemene o le atunuu i le masina talu ai.
E na o Netanyahu le Palemia o Isaraelu ua aafia i se faamasinoga i matāupu tau i le faatinoina o le amiotonu, solia o le faatuatuaga ma le taliaina o ni taui mai nisi.
I sana faamatalaga i luga o le upega tafa’ilagi a le X ua faailoa ai e le alii Palemia lona agaga faafetai ia Trump ma lana lagolago ia te ia ma e fiafia lava e faaauau pea le la faiga faapaaga auā le filemu ma le puipuiga o tagata.
Puna o Faamatalaga: https://www.9news.com.au/world/trump-urges-israel-to-pardon-netanyahu-sparking-concerns-over-us-influence/3dce5bca-1b86-4f06-bb9c-a10035282b75
