Ua talosaga le pulega o le faigamalo a Trump i le Faamasinoga Maualuga a le atunuu ina ia talia talosaga le alii Peresitene e faagasolo ana fuafuaga e faamuta ai le maua o le sitiseni o le tagata e soifua ane i totonu o Amerika.
Ua faailoa e le CNN o nisi o apili sa faia e le pulega a le faigamalo a Trump o loo finau ai le lē talafeagai o gaioiga a faamasinoga maualalo e aofia ai le faamasinoaga faaitumalo, ua faia ai poloaiga ua poloka ai le faataunuuina o le faiga faavae e pei ona finau ai ma ua talosaga ai i faamasino ia faatapulaa le aafiaga o ia poloaiga.
O Ianuari na finau ane ai se tasi o faamasino e tetee i le poloaiga a Trump i le mataupu lea, fai mai le faamasino e le o gatasi lea faiga ma le faavae, finau foi isi faamasino mai Maryland ua le o gatasi faiga faavae a Trump ma le talaaga na sau ai le atunuu i le 250 tausaga talu ai; e maua le sitiseni o le tagata e fanau i Amerika. O loo faatalia se tali a le Faamasinoga Maualuga i finauga a Trump ma lana vaega.
Puna o Faamatalaga: https://www.google.com/amp/s/amp.cnn.com/cnn/2025/03/13/politics/birthright-citizenship-trump-supreme-court
