Ua saunoa Donald Trump o le a faafoe e Amerika le Gaza Strip, i le mae’a foi o se isi ana faamatalaga e lē o iai sona manatu e iai se lumana’i mautū mo tagata Palesitina i Gaza.
Na ta’ua e le CNN ua faia faamatalaga a Trump i se feiloa’iga ma tusitala na faia faatasi ma le ta’ita’i o Isaraelu Benjamin Netanyahu, ma saunoa ai Trump o le a take over e Amerika le Gaza Strip ma o le a faia iai se galuega.
Fai mai Trump o le a vaavaai lava poo le ā le mea o le a fai ma o loo feagai foi ma tagata faigatā ae mafai lava ona taunuu i se maliega.
E eseese finagalo faaalia o tagata i saunoaga a Trump aemaise o lana faamatalaga e faatatau i le aveese mai o tagata mai Gaza ua autausagā o aumau ai.
Puna o Faamatalaga: https://amp.cnn.com/cnn/2025/02/04/politics/netanyahu-trump-white-house-meeting
