O le ogatotonu o le masina fou o Mati ua faamoemoe e tatala aloa’ia ai le galuega o le maketi fou i Savalalo e pei ona iai le fuafuaga o le Palemia o le malo o Niu Sila o le a auai i le tatalaina o lea galuega tele.
Ua faailoa lea tapenaga e le afioga i le Palemia, susuga Laaulialemalietoa Leuatea Polataivao Fosi, ma le faamoemoe e amata tapena loa pisinisi laiti ua maua avanoa e faaaogā ai lea maketi, e amata ona faatulaga a latou taumafaiga a o le’i tatalaina lea maketi o se meatotino a le Matāgaluega o Eleele ma Fuagafanua, lea ua iai ma le faalapotopotoga o eleele o Samoa sa umia o sana meatotino lea maketi.
E 3 miliona se vaegatupe ua faailoa e le Palemia o le a faaalu i le toe fausia lelei o le nofoaga o loo aga’i iai pasi ma taavale laiti la’upasese i tua ane o le maketi i Savalalo, o se galuega o le a toe fausia ai ma fale faatalipasi.
Le afioga i le Palemia, susuga Laaulialemalietoa Leuatea Polataivao Fosi i le feiloa’iga ma tusitala.
