Ua faailoa e le faalapotopotoga o taaloga a Samoa le SASNOC le amata faagasolo ai nei o tapenaga mo le filifilia o se ‘au masii a le atunuu i taaloga a le Pasefika o le a faia i le atunuu o Solomona i le masina o Novema ia Tesema o le tausaga nei.
Ua faailoa lea tapenaga ina ua aumai faalauaitele ai se faafetai a le faalapotopotoga o taaloga a Samoa i itutino ma faalapotopotoga o taaloga eseese na auai i taaloga o le Samoa Games e faailoga ai le taualuga o polokalame o le 60 tausaga o le tutoatasi.
O le tāua o ia taaloga ua amata faia ai le filifiliga mo ni tagata taaalo lelei e tauaveina le igoa o Samoa i taaloga a le Pasefika o loo sosoo ai nei, ma o loo fuafua e tausinio le ‘au a le atunuu i taaloga e 20 ma ona tupu.
O le susuga Leiataualesa Jerry Brunt sa kapeteniina le fautasi o le telefoni o le vainuu, o le taitai lea o le ‘au masii a Samoa i taaloga a le Pasefika.
