O se pili ua aga’i sa’o i le faasāina o le taumafa tapaa ua amata faatalanoa i le Palemene i le asō. Ta’ua e le Newstalk o le pili na folafola i le tausaga na te’a nei ae e aofia ai tulafono e faapea afai o se tagata na soifua ane i le mae’a o le aso 1 o Ianuari 2009, o le a lē mafai ona ia faatauina se sikaleti, ma o se taumafaiga ua faia ina ia una’ia ai le taofia o le taumafa tapaa.
Fai mai o le taimi nei ua to’atele faipule ua lagolagoina lea pili ma faalauiloa e le Leipa ae ua lipotia le lagolagoina uma e le Green, Te Pati Maoli ma le Nationals foi se’i vaganā le ACT o loo ta’ua lo latou lē lagolagoina.
Fai mai o loo fuafua le malo ia pasia le pili lea i le masina o Tesema.
