I le tasi o tala i taaloga o le Aso Gafua o lenei vaiaso fou e amata ai le taamilosaga lakapi o le siamupini o kolisi maualuluga uma i lo tatou atunuu lea o le a faagasolo i le malae o taaloga a le kolisi o Sagato Iosefo i Alafua.
O se sailiga siamupini o le a tausinio ai ‘au a alii ma tamaitai mai le matutua o lalo ifo o le 18, 16 ma le 14 tausaga le matutua.
O ‘au mai kolisi e pei o Leififi, Aleipata, Sagato Iosefo, Kolisi maualuga i Pesega a le Ekalesia o le Au Paia o Aso e Gata ai, Kolisi o Amoa, Tuasivi, Wesley College, Kolisi a Safata, Kolisi o le Vaimauga, Itu o Tane, Itu o Asau, Leulumoega Fou, Sagaga, Nuuausala, Alofi o Taoa, Kolisi a Lefaga, Palauli i Sisifo, Aana No 2, Kolisi o Avele, Kolisi o Aleipata, ma Sagato Iosefo.
O le taamilosaga lenei o le a saili ai le siamupini o le lakapi mo kolisi maualuluga i le atunuu o loo lagolagoina e le faletupe o le Pasefika le Bank of the South Pacific ma o le taamilosaga o le tausaga na tea nei, na siamupini ai ‘au mai kolisi o Leulumoega Fou, Leifiifi, Palauli i Sisifo ma le Kolisi maualuga i Pesega.
