Ua amata faagasolo i le vaiaso nei polokalame o le sa’ilia o se tama’ita’i e na te tauave ma faaauau le tofiga o le Tausala o Samoa mo le isi 12 masina, pe a mae’a le nofoa’iga a le tama’ita’i o loo tauaveina nei le pale o le Tausala o le atunuu o Litara Ieremia Allan.
O le maota Samoa o le pulega o tagata tafafao mai fafo i le eleele fou na faagasolo ai le sauniga na tatala aloa’ia ai polokalame o le tauvaga e sa’ili ai se tausala o Samoa 2025 i le 2026, lea sa auai tama’ita’i e to’asefululua e aofia ai le to’avalu i Samoa ma le to’afā mai Niu Sila, Ausetalia ma Amerika e molimauina le amata ai o le faamoemoe lenei o se tauvaga e taualuga iai polokalame o le Teuila i tausaga ta’itasi.
Peita’i o le tausaga nei ua tolo polokalame o le Teuila ae ua na o le tauvaga e sa’ili ai se Tausala o Samoa o loo faatino pea.
Le Ofisa Sili o le pulega o tagata tafafao mai fafo a Samoa, le susuga Niumata Kitiona Pogi i se vaega o lana saunoaga na tatala aloa’ia ai le polokalame o le sa’ilia o se Tausala o Samoa, lea o loo taulamua ai le Onomea Production e tapena ma faamaopoopo ae lagolago autū le kamupani telefono feavea’i o le Digicel Samoa.
O tama’ita’i e to’asefululua o le a sa’ili ai se Tausala o Samoa:
1. Miss Samoa New Zealand, Paulina Ave’ese Tapua’i Soti.
2. Miss ILY’S Clothing Boutique, Blessing Jane Laga’ali Schuster.
3. Miss Oriana Siva Academy, Painu’ulasi Bartsch Le’aupepe.
4. Miss Vaisala Hotel, Tiare Sylvia Betham Va’ai:
5. Miss Samoa USA, Ammaryllis Savanah Moana Manuma.
6. Miss Tapa Creations, Maruseana Olivia Kelcey Sititi.
7. Miss Samoa Queensland, Larona Junelle Tivoli.
8. Miss Lavashe Couture, Sina Molynn Faatauu’u.
9. Miss Falealili District, Julia Liulagi Leuta.
10. Miss Julie’s Biscuits, Siainiu Fidow Peters.
11. Miss Paradise Finance, Feagaimaali’i Soti Mapu.
12. Miss Samoa New South Wales, Priscilla Tato.
