Ua tonu ma talafeagai gaioiga ua faia e nisi o tagata o loo faaaogaina femalagaaiga lautele e ala I le faia o talifofoga poo masks pe a agai I ia nofoaga.
Ole faamatalaga lea mai le Auckland Transport I le aso ina ua amata faamamalu ai I le aso le faia o tali fofoga mo tagata uma e femalagai I vaalele I faigamalaga I totonu lava o niusila ma soo se auala o femalagaaiga faalauaitele I Aukilani. Faailoa e le ofisa sili ole Auckland Transport Shane Ellison ole 90-95 pasene o tagata I Britomart ile taeao analeila na faaaoga uma masks ma ua fautuaina tagata afai ua galo lau talifofoga o loo avanoa le aufaigaluega a le Auckland Transport ma leoleo e tufaina ane ai masks. E le o aofia ai femalgaaiga I pasi a aoga ma auaunaga totogipau. O tamaiti I lalo o le 12 tausaga ma tagata e iai manaoga tumau poo ni tulaga tau le soifua maloloina e le faamalosia le faia o masks
