Ua amata ona vaaia le leai oni oloa I luga o fata o faleoloa aemaise supamaketi i Niu Sau Uelese. E talitonuina o le faatupulaia o le aofai o tagata aafia ile faamai lea o loo tuuaia ile tulaga lea mae le nao Niu Sau Uelese o loo vaaia ai lea tulaga.
O se tasi o supamaketi tele a Ausetalia o Coles na o latou faailoa I le polokalame o le Sunrise ua toatele le aufaigaluega ua aafia ile koviti 19 ma ole mafuaaga lea ona o le toatele foi oi latou o ave loli ma I latou e faafoeina kiliva aemaise ilatou e galulue I faleoloa.
Ua faamalosia le faanofoesea ole toatele e le gata ina ua aafia ile faamai ia poo avea foi o se close contact o e ua aafia ma ua manaomia ai ona faanofoesea e faatalia ai siaki e faia.
Fai mai le pule o Coles o se luitau tele ua feagai ma latou aemaise le tele o cases o le omicron ua aafia ai le atunuu. Fai mai le alii pule o le faaletonu e le mafua mai ise faaitiitia o le sapalai ae o le auina mai o oloa ma tuuina atu I luga o fata o faleoloa, o I ua matuai faaitiitia ai le aufaigaluega.
O loo lipotia o lea tulaga o le a iai pea mo ni nai vaiaso ao talia ai le toe foi o le toatele o le aufaigaluega I galuega pe a malolosi mai le koviti.
