O le Aso Gafua mulimuli lenei o le masina amata o lenei tausaga fou 2026 ua faagasolo ai le moligafu’a e faalauiloa ai le sulu a le Tupu o Peletania o le Faaao o Malo o le Taupulega.
O lea sulu e pei ona silafia o le faailo o Taaloga a Malo o le Taupulega e faia i le tausaga nei i le aai o Glasgow i Peletania.
O lumāmaota o le malo i le eleele fou i le taeao o le Aso Gafua lenei i Samoa ua amata ai le taufetuliga e ala i se moligafu’a e faalauiloa ai le sulu o ia taaloga, ma o le a auai nisi o tagata taaalo lauiloa o le atunuu e pei o le afioga Tuliaupupu Brian Lima i le taaloga lakapi, o le tama’ita’i o Ele Opeloge mai le taaloga siisii u’amea mamafa ma le afioga Toailetai David Tua mai le taaloga o faipelega.
O le ulua’i sulu lea o taaloga a malo o le taupulega ua faaigoaina o le King’s baton talu ona avea Pelenise Salesa ma Tupu o Peletania ma Faaao iai malo o le taupulega.
O le masina o Iulai o le tausaga nei e talimalo ai le aai o Glasgow i Peletania i taaloga a malo o le taupulega lea o le a masii foi iai le autaaalo a Samoa.
