Ole galulue faatasi o se a’u atoa ai ma le loto tasi o vaega ia o loo taulai iai le fonotaga faaletausaga a le vaega faaupufai a le National lea ua amata I le vaiaso nei I Ueligitone.
O le fonotaga e lua aso sa fuafua e faatautaia I Whagarei peitai na toe suia le faaiuga ile vaiaso talu ai ona o nisi o cases o le koviti na aliae mai I Northland.
Faailoa e le taitai o le vaega faaupufai Judith Collins ole tausaga na tea nei sa tele se luitau sa feagai ma le pati aemaise faafitauli e faatatau I le maua o se tasi.
E taua tele ai la le amata o le tausaga ile tau fai taulai o le silasila a sui o le pati I mea o loo taua ia Niu Sila.
O loo lipotia I le televise tasi o le a silasila foi le pati I nisi o mataupu tetele o loo feagai nei ma le atunuu e pei ole mataupu I fale, faaleleia o siomiaga, faigata o loo feagai ma tagata aemaise o le tamaoaiga o le atunuu.
O se tasi itu o le a soalaupule ai I le fonotaga ole faaaogaina lea o faiga faatekonolosi.
