Ua amata ona iai popolega o tagata Saina i Ausetalia mo nai o latou aiga i Saina i le faateteleina pea o le pepesi o le Koviti-19 ma ua amata sioti ai le sapalai o fualaau o le flu.
Ua faamatala e nisi o i latou ia i Ausetalia nei ua o latou talafo atu fualaau o painkillers poo fualaau o mea tiga e fesoasoani ai i o latou aiga i le toe pepesi tele ai o le faamai i Saina.
Ta’ua e i latou ia o le popolega o nai matua ua silia ma le tai 70 tausaga le matutua aemaise pe a agai atu i falemai mo ni fualaau ma togafitiga o le a umi se taimi e faatali ai mo togafitiga ona o le tumutumu o falemai ua lipotia mai i Saina i le taimi nei.
Fai mai o le tele o fualaau ua sioti uma i faletalavai ma ua iai foi aiaiga ua faia e nisi faletalavai ua faatapulaa ai le aofai o fualaau e mafai na faatauina e le tagata ina ia tau faaauau ai le faasoa i isi o loo manaomia foi lea fesoasoani.
