E amata i le masina fou o Iulai ona sii le tupe maua mo parental leave.

O le maualuga o loo iai i le taimi nei i le vaiaso, e $661.12, peitai o se lipoti mai le malo ananafi ua ta’ua ai o lea o le a sii i le $712.17, e tusa lea ma le 7.7%

E $51 faaopoopo i le vaiaso lea o le a maua e aiga nei e agavaa ai, ma i faamaumauga o le 2022 e 56,200 mātua e maua pepe fou na totogi atu iai parental leave.

E ese mai i tupe e totogiina mai o lea foi o le a maua le 3% faaopoopo e alu sa’o agai i KiwiSaver a mātua a o maua ai parental leave, ma e amata maua mai le ogatotonu o le 2024.