O le motu tele i Salafai ua amatamea i polokalame o le vaiaso o le soifua maloloina o lona sini autu, ia ta’imua nuu ma afioaga.
Ua ogatasi lea autu ma le faamanatuina o lenei vaiaso faapitoa o le soifua maloloina ua faatino i nuu ma afioaga i tua.
Ua faailoa e le matagaluega o le soifua maloloina na tatala i le Aso Gafua lea faamoemoe ma le naunautaiga ia siitia ma faaauau le nofo silafia ma le malamalama o le atunuu i puipuiga o le mau gasegase ua aafia ai o tatou tagata i nuu ma afioaga.
E le gata i gasegase o le suka, toto maualuga, ma’i fatu, fofoga, o aao faapea le fatu, ae o ooooga o ia gasegase i le tagata soifua.
O le Ekalesia Metotisi i Faleolo, Safune, ma afioaga e iva mai Samauga e oo i A’opo sa auai i le faamoemoe o le matagaluega ia aoga polokalame e tali atu i faama’i ogaoga ina ia vave ai ona faatino ni siaki faafomai ina ia vave ai ona togafiti.
O le vaiaso atoa lenei o loo faatino ai polokalame o lenei vaiaso tāua, ma taualuga ai i le Aso Faraile i le sauniga o moliga’o le candle lights service e faamanatu ai le aso faavaomalo e faatāua ai puipuiga o le gasegase o le HIVAIDS.
O aso muamua o le masina o Tesema i tausaga taitasi e pa’ū iai lea aso faamanatu faavaomalo.
