O le Aso Gafua o lenei vaiaso fou ua faia ai le sauniga lotu masani e talosia ai galuega a le faamasinoga a lo tatou atunuu o le a toe amatalia i le tuana’i o aso mālōlō o le kelisimasi ma le tausaga fou.
Ae o galuega mo le faaleleia o faaletonu ua aafia ai se vaega tele o le maota faamasino autū i Mulinuu sa amata ina ua toe a’e galuega lea ua faailoa e le Ofisa Sili o le pulega o le Matāgaluega o Faamasinoga ma le Faafoeina o Matāupu Tau Faamasinoga, o le 80 pasene o lea galuega ua mae’a.
O tulaga faaletonu i le tutulu o loo fuafua poo le masina o Aperila ua tatau ona amata faagasolo.
Le susuga Papalii John Taimalelagi Afelē o le Ofisa Sili o le Matāgaluega o Faamasinoga ma le Faafoeina o Matāupu Tau Faamasinoga.
O le faai’uga o le vaiaso na faailoa ai e le ta’ita’i o le malo le afioga i le Palemia susuga Laaulialemalietoa Leuatea Polataivao Fosi, le toe filifilia o le susuga Papalii i le tofiga Ofisa Sili o lea matāgaluega mo le isi 3 tausaga o lana konekarate.
