O le asō lea ua amata alafai mai ai tagata i Kuiniselani i se faamāmā avega i le totogi o pasese i luga o trains, pasi, tram ma vaa ina ua faamamalu le folafolaga sa faia e le faigamalo a lea setete ae lei faia le palota, o le a faaitiitia le tau e totogi o ia auaunaga mo le 6 masina.

O le folasaga lea sa faia e le Premier o le setete, Steven Miles i le masina o Me o le tausaga nei ma e ta’i 50 sene le totogi ua faamamalu nei.

Fai mai le faigamalo e talotalo o lea faata’ita’iga o le pa’ū o pasese o le a toe faaosofia ai tagata e toe faaaogā auaunaga faalauaitele pe a mafai ma e tele le penefiti ai o tagata i lea tulaga aemaise o le faaitiitia foi o taavale i le alatele ma vave ai feoa’iga.

E toatele tagata mai Kuiniselani ua faaleo lo latou taliaina o lenei suiga ma se faamāmā avega.

Puna o Faamatalaga: https://www.9news.com.au/national/queensland-50-cent-public-transport-starts-today/88464ccf-abd8-456e-a88b-ad673f92c968