E lata i le sefulu tausaga o faasolo finauga i le faamasinoga, ma o le aso ananafi lea ua sau ai le tala o le a aloa’ia faiga fou e faatapulaa ai le faatauina o le ‘ava malosi i Aukilani.

O suiga nei o le a amata faamamalu mai ia Tesema, lea o le a lē toe oo ai i le 11 i le po le faataga ona e faatau ai ‘ava malosi ae o lea o le a faamuta i le ta o le 9.

O le amataga o Aokuso na pasia ai lenei suiga ma oo mai ai loa ananafi palota councillors i le aso e amata aloa’ia ai, ma o le aso 9 o Tesema o le tausaga nei lea ua autasi iai le puleganuu.

A o lei oo ai i le masina o Tesema, o lea e amata faamamalu atu mai le masina fou le isi vaega o lenei suiga lea e lē toe taliaina ai mo le lua tausaga nisi talosaga fou mo laisene ua ta’ua o off-license se’i vaganā e faamalieina nisi o aiaiga.

E lē o aafia ai i lenei suiga laisene o loo faamatuu atu i faleaiga faapea falekalapu.

Puna o Faamatalaga: Auckland liquor laws: Stricter new policies adopted (1news.co.nz)