O le faiaoga sinia i le Iunivesite o Canterbury ma o se tamalii Samoa o Lealiiee Dr Tufulasi Taleni lea ua faailoa i lipoti i le leitio faavaomalo a Niu Sila, ua tauaao iai ni faailoga e amanaia ai lona sao i le suesuega sa faatino i itu tau aoaoga tau le Pasefika.
Na ia maua le faailoga o le Pasifika Community Researcher Award ma tuuina foi iai le Peter Brice Award i se sauniga na faia e talimalo ai le Iunivesite.
Na ia faailoa i sana faamatalaga i le faatalanoaga lea le lagona o lona faamaulalo ma tumu i le faaaloalo i le mauaina o nei faailoga ma e unaia ai foi o ia i le agai i luma.
Na ia faailoa o le aafiaga o le le lelei o aoaoga tau le pasefika mai le tamaititi, o le le lelei lea o le soifua maloloina, maualalo le totogi o galuega, leai o ni galuega ma le mativa.
Fai mai Taleni a lelei aoga a le fanau o le a unaia ai foi i latou e finau ma fai so latou sao i le vaaiga o i latou lava ma o le mafuaaga lea e fai ai lana suesuega ona e mafaufau lava i tamaiti, o le fatu lea o ana suesuega.
