E to’afā sui o le Pasefika, o se faamasino, ta’ita’i o pisinisi Maori ma faatonu ua amana’iaina nei e le Iunivesite o Waikato lo latou tautua i le komiuiniti e aofia ai ma le tamaitai Faamasino Samoa le afioga Tafaoimalo Leilani Tuala Warren.
O Justice Leilani Tuala-Warren, Jennifer Kerr, Hinerangi Raumati o le MNZM ma Jamie Tuuta o i latou ua faamanuiaina nei i le faailoga maualuga Dintinguised Alumni Awards lea na faatautaia i le po anapo e amana’ia ai le latou galuega ma lo latou sao i o latou komuiniti.
E mata’ina i latou ua mauaina lea faailoga i lenei tausaga e ala ia latou galuega o loo galulue ai i le taimi nei. Ta’ua e le Chancellor Professor a le Iunivesite ia Neil Quigley o i latou uma e to’afā ua faamanuiaina o ni tagata e fai ma faata’ita’iga lelei e lē gata i fanau aoga o le Iunivffffesite ae faapea tama ma teine tuai o Waikato University.
Mo le afioga Tafaoimalo ua silia ma le 20 tausaga o lana tautua i vaega o tulafono poo se loia ma e oo mai i le taimi nei o loo faaauau pea ona galue lana afioga e tautua Samoa faapea Niu Sila. Na ia amataina ma ta’ita’ia le Komisi o le Toe Fuata’ina o Tulafono poo le Samoa Law Reform Commission ma o le tamaitai faamasino lona lua lea i Samoa na filifilia ma avea ma faamasino o le Faamasinoga Faaitumalo faapea le Faamasinoga Maualuga o le atunuu.
