E 390 avanoa faigaluega a le taui o faalavelave faafuasei o lea ua fai mai o le a lē toe iai.
O se tasi lea o suiga e faasao mai ai tupe a le taui o faalavelave faafuasei poo le ACC, Accident Compensation Corporation.
O loo lipotia o lenei vāea e lei faapea a mea na faatonuina mai e le malo peitai o lana lava faaiuga ina ia faasao mai ai le 6.5% ma toe faatulaga ai le aufaigaluega mo le agai i luma.
O suiga ua faailoa mai o le a ui muamua i faatalanoaga masani a o lei faia se faaiuga mautu lea e iloa i le masina fou.
Peitai mai le PSA, e lē o talitonu i le tala ua sau ona o lea o loo alu i luga le toatele o tagata manunu’a i Niu Sila, ae i nisi o molimau i tala a le Herald o loo toe molimau ai o le toatele o pule tai 60 ma ona tupu tausaga o lea o loo sau i le lisi o tagata vāea ma e foliga mai ai o se suiga ua faia e ave ese ai.
Puna o Faamatalaga: https://www.nzherald.co.nz/nz/acc-cutting-390-jobs-nearly-10-per-cent-of-workforce/XT6MMDXQBZEUJNF77TZ3JKLN3U
