Ua maualuga le fuainumera o tagata ua faamaonia soligatulafono o le fasioti tagata i le va o le tausaga faato’ā uma atu ma le tausaga nei.
O faamaumauga nei o soligatulafono i totonu o Niu Sila lea e faapea na alu i luga i le 77% le to’atele o tagata ua faamaonia solitulafono o le fasioti tagata i le va o Iuni o le 2023 ma Iuni o le 2024.
A tuu mai foi i mataupu e molia ai i feusua’iga lē manuia o le silia ma le 70% o mataupu e aafia ai fanau i lalo o le 16 tausaga le matutua.
I sauāga i totonu o aiga o lea lava o loo alu pea i luga, ma o faamaumauga i totonu o le periotic o loo ta’ua faato’ā toe laasia lea o lea maualuga talu mai le 2020.
Ae i mataupu tau i fualaau faasāina, o le methamphetamine lea lava e maualuga ai e pei ona faamaonia le silia ma le 50% o tagata na molia.
O le atoaga o nei faamaumauga o loo maua uma i luga o le upega tafailagi a le matagaluega o faamasinoga.
Puna o Faamatalaga: What the stats say: Murder convictions up 77%, meth dominating drug landscape | RNZ News
