Ua toe o le vaiaso uma le fesoasoani o loo maua nei mai le malo, lea e toesea ai le 25 sene i le lita o le tau o le suauu.
O le faamāmā avega lenei na amata maua mai i le masina o Mati o le tausaga talu ai e fesoasoani ai i tagata i le taugata o le tau o le soifuaga, peitai o lea ua le o toe mamao ona uma lea.
Ae i fautuaga a le sooupu o le AA:
Muamua – o le faatumu o le taavale i le 2 pe tolu foi aso, a o lei oo i le aso 30 o Iuni ona o le tumutumu o le a iai queue i pamu penisini.
Lona lua – o le faaaoga o isi auala o femalagaa’iga taugofie ma faaaoga pasese pa’ū o loo mafai ona agavaa ai.
Ese mai i lea faamāmā avega o le faaiuga foi o le masina e faamuta ai le pa’ū e 36% o le tau e totogi mo road user charges, ma o lea o le a toe foi i le tau masani mai le aso muamua o Iulai.
O le toatele foi o tagata matutua o lea e na o le ‘afa le tau o pasese mo femalagaa’iga lautele o loo totogi i le taimi nei, o lea o le a faamuta uma i le Aso Faraile o le vaiaso a sau.
