O le aso 24 o Iuni o le tausaga fou le uluai aso malolo mo le Matariki
O le faasilasilaga lenei mai le tamaitai palemia, Jacinda Ardern, ma o se tasi lenei o ana polomisi I ana faiga faatosina ao loma le faigapalota faatoa mavae atu
O le faia o se aso malolo mo le Matariki o le a 12 iai aso malolo o le kalena faaletausaga a Niu Sila, ma o le a maua ai se isi aso e vasai ai le taimi umi I le va o le aso malolo ia Iuni o le Queens Birthday ma le Labour Day I le faasiusiuga o Oketopa
O le sau ai o lea faasilasilaga ananafi, e le talia gofie e le taitai o le ACT, David Suemour, ma lona ia finagalo pe le faamata sa tatau ona fesuiai lea aso malolo ma se isi aso o iai nai lo le faaopoopo o se isi aso fou
O le aso 24 o Iuni ua faailoa mai e mo na o le 2022, ae mo isi tausaga mulimuli mai o le faamautinoa mai lava fua I le fegasoloai o fetu ma aso o le kalena O se taimi o I luma e le o toe mamao o lenei tausaga, o le a toe suia ai le tulafono o loo aiaia ai aso malolo I totonu o le atunuu, ma o le a faaopoopo iai le aso malolo fou o le Matariki
