O le tapena ai o le fautasi o le DonBosco i le faagatama i le tai i le Aso Faraile nei, faapea isi fautasi e fā, e iai le talitonuga e tasi lava le autu o loo taulai iai tapenaga uma, ia maua le manumalo.
Ae i le saili fesoasoani o le Pule aoga, o faiaoga, le kapeteni ma le auvaa o le DonBosco, ua agalelei le kamupani o le Pacific Ezy i le foai e lima afe tala i le faamoemoe o le fautasi.
Le Pule o le Pacific Ezy i Samoa le afioga Magele Frank Ah Kau.
O le ‘afa o le 11 i le taeao o le Aso Faraile nei e amata ai le tuuga fautasi, o le a saili ai le siamupini e le Telefoni o le Vainuu, Littlerina, Segavao, Tolotolo o Tamauli, ma le DonBosco.
