Ua faaiugafonoina e le Kapeneta i le asō le agai ai o Niu Sila i le vaega lua poo le phase 2 o le fuafuaga i le tali atu i le vairusi o le Omicron poo le Omicron response plan i le itula e 11:59 i le po a taeao.
O lea fuafuaga o le a iai le suiga i aso e faanofoesea ai e le gata o tagata ua aafia mai latou na iai fesootaiga poo close contacts. O ua suiga o le a 10 aso mo i latou e aafia ae 7 aso e faanofoesea ai i latou e iai fesootaiga ma se tasi ua aafia.
O se tasi o tagatagai a le Mālō o le tumu tumu lea o taavale i nofoaga e fai ai suega poo testing i Aukilani ma poloka ai le tele o auala lea e oo mai lava i le afiafi nei o loo poloka pea ona o le popole o tagata i le siitia o le fainumera o i latou ua aafia i aso taitasi.
O le a ave le faamuamua iai latou ua matuā telē le aafiaga poo more at risk ma le au faigaluega (critical workers).
O le aufaigaluega poo essential workers o loo masalomia le iai o fesootaiga poo close contact o le a mafai ona faaoga Rapid antigen test pe a fai e leai ni auga ua vaaia, ona toe foi lea e faigaluega.
