Ua lata i le 3,000 tagata ua fasiotia ina ua fāoa e le Rebels le aai o Congo e pei ona faailoa e Malo Aufaatasi.
O Vivian van de Perre o le sui faaulu o Malo Aufaatasi i le faaitu lea o Aferika ma ua ia faailoa i le CNN e oo mai i le aso ananafi pe 2 afe tino maliliu ua aoina mai itu auala ma le 900 i falemaliu ma falema’i ae e lē taumate e faatupula’ia pea lea numera.
Fai mai le malo o loo faaauau pea fetauiga i le itu i Saute o le isi itumalo o Kivu.
O le Democratic Republic of Congo e aofia ai tagata e silia ma le 100 miliona ma e tele tausaga o faia ai pea vevesi e mafua i eleele ma fanua ma minerale i ona laueleele.
Puna o Faamatalaga: https://www.google.com/amp/s/amp.cnn.com/cnn/2025/02/06/africa/dr-congo-goma-violence-deaths-intl-hnk
