E ono lē toe iai se train e fealuai i le va o Hamilton ma Aukilani, le Te Huia pe afai ae filifili le New Zealand Transport Agency le NZTA e taofi tupe o loo ia faatupeina ai lenei auaunaga.
O le lapataiga lea mai le puleganuu a Waikato poo se tasi o itutino o loo i totonu o le li’o o i latou o loo faatupeina lenei auaunaga.
E ese mai tupe o loo maua mai tagata o loo faaaogāina le train a le Te Huia, o le 75.5% o loo sau mai le NZTA.
Ua sau ai ma le talosaga aloaia a le puleganuu a Waikato agai i le NZTA e moomia pea le faaauau o lana fesoasoani ma o se faiga faapaaga e moomia tele.
E leai se tali mautinoa mai le NZTA, pau o lea e iai lana fonotaga e faia i le aso 16 o le masina lenei ma a uma ona faatoa fautuaina loa lea o le puleganuu a Waikato.
O se lapataiga ua sau ai i le mae’a faailoa o iloiloga ua lua tausaga na faia faasaga i le Te Huia lea o loo sau ai o le 98% o pasese na faaaogāina le auaunaga i le tausaga talu ai o loo faamalieina i le tautua a le Te Huia, ae o se iloiloga foi o loo sau ai e faa-315 ona tuai ana faigamalaga i le 2023.
Puna o Faamatalaga: Auckland to Hamilton train: Te Huia could be discontinued without NZTA funding – NZ Herald
