O le faaitu o Appin i le itu Saute i Sisifo o Sini lea ua lipotia ua fuafua iai se galuega tele o le fausia lea o ni fale o le a toatele nisi e mafai ona aumau ai.
O lea taulaga i le faaitu o McCarthur ua faatulaga ai lea galuega tele ua fuafua e fausia ai fale fou e 9 afe.
O le fuafuaga faalautele o le a aofia ai ma a’oga, nofoaga o paka mo komiuniti, nofoaga faasao ma le koneti iai o le ABN mo fesoota’iga tau initaneti.
Fai mai afai ae ioeina le fuafuaga o le a amata fausia loa fale e 600.
O le fuafuaga alualu mamao e tatau ona mafai ona nofoia Appin e le 40 afe o tagata a o fuafua ai ma se paka faapisinisi e mafai ona maua ai le 10 afe o avanoa faigaluega i lea lava faaitu.
O le taimi nei pe 3,200 tagata o loo aumau i le pitonuu lea ae lē taumate o le a vave siitia lea aofai pe a amata faatino fuafuaga mo le faalauteleina o lea faaitu.
Puna o Faamatalaga: https://7news.com.au/news/nine-thousand-new-homes-planned-for-appin-in-sydneys-southwest-as-state-falls-behind-new-dwelling-targets-c-15877499
