O le lafoina mai i Samoa ma le lafo atu mai Samoa o tupe faamomoli e moomia tele ai le faaaogāina o auala faatekonolosi faaonaponei.

E lē gata e mata’itū ai le saogalemu ma le malupuipuia o le feaveaiina o tupe, ae e mata’itū ai foi ma ni gaioiga solitulafono e aliali mai i le faatinoina o lea auaunaga, e pei ona faia e faletupe faapisinisi ma auaunaga tuma’oti o loo latou faia lea tautua.

E 57 miliona tala Samoa se fesoasoani a le komiti faatonu o le faletupe o le lalolagi o le a faamanuiaina ai Samoa i se polokalame o le a faaaogā ai ni faiga fou e faaaogā ai fesoota’iga faatekonolosi e mata’itū ai le feaveaiina o tupe faamomoli.

O se polokalame e pei ona faailoa i se pepa o faamatalaga o le a sili ona faigofie ai le faatinoina o lea galuega, ae o le a taugofie foi.

Ua faailoa mai foi i lea faamatalaga faalaua’itele, o le a fesoasoani lea faiga fou i tagata o le atunuu e maua ai seleni faamomoli i fesoota’iga tekonolosi ua ta’ua o le digital.

O lea fesoota’iga o se taimi muamua lea o le a faaaogā ai i Samoa.