O le asō na faatautaia ai le sainigalima a le Malo o Samoa e tauala i le Matagaluega o Tina ma Tamaitai Atina’e o Afioaga ma Agafesoota’i ma Fono Faavae a Itumalo ua lautogia.

O le mae’a ai o iloiloga a le komiti i ripoti o le faaaogaina o le $200,000 mo le fausiaina o Ofisa o Itumalo ma ua pasia lea ua agavaa ai loa e faasaini maliega e faamatuu atu ai le tai $150,000(15%) mo le faagaioiina o Ofisa o Fono Faavae a Itumalo.

E fā Itumalo ua pasia aloaia ma faasaini ai i le asō a latou maliega:

1. Anoamaa 2

2. Falelatai & Samatau

3. Vaimauga 1

4. Safata 1

Ua 39 Itumalo ua mae’a faamatuu atu iai le $150, e 12 Itumalo o totoe nei ma le faamoemoe o le Matagaluega ia faasopolia i le faaiuga o le masina nei.

E 9 Itumalo ua mae’a iloiloina a latou taiala o atina’e (District Development Plan) sa tuuina atu i le ofisa ma ua lautogia nei mo le tuuina atu iai o le tai $425,000 pe a mae’a faatalatalanoaga a le Komiti a Itumalo ma le Komiti Galulue o le Poloketi ( One on One Consultation).

O Fono Faavae ua lautogia mo le $425,000:

1. Palauli 1

2. Anoamaa 2

3. Salega 1

4. Vaa o Fonoti

5. Vaimauga 3

6. Aleipata Itupa i Lalo

7. Gagaifomauga 2

8. Anoamaa 1

9. Falelatai & Samatau

Ua tusa nei ma le 35 Fono Faavae ua pasia e le Steering Committee a latou taiala mo atina’e ma faamatuu iai vaegatupe muamua e $425,000 mo le faatinoina o atina’e ma poloketi a Itumalo.