O le taualuga o lena vaiaso ua alu atu na uluai usuia ai fonotaga amata o le Fonotele i Malua, o le sauniga o le faauuga o Faifeau e to’a 25 ma o latou faletua, ma ua maua o latou tofiga faafaifeau e faatino ai sauniga o faamanatuga, o faaipoipoga ma maliu.
O i latou uma ua faauu ua mae’a le fā tausaga o a’oa’oga i le kolisi faafaifeau a le ekalesia ma o nisi ua galulue tausinuu a o nisi o loo auauna pea i le ekalesia e pei ona avea nisi ma faiaoga.
O le susuga i le faifeau Toeaina o le sui ta’ita’ifono o le a see atu e tauave le tofiga ta’ita’ifono susuga Tunumoso Soliola Iosia na saunia le upu faaleagaga mo le aufaauu o lenei tausaga.
Le susuga i le Toeaina o le sui ta’ita’ifono o le a see atu e tauave le tofiga ta’ita’ifono aoao o le Ekalesia Faapotopotoga Kerisiano Samoa susuga Tunumoso Soliola Iosia.
