O le laueleele ma le atina’eina i faato’aga mo le lumana’i o le tamaoaiga o Samoa aemaise o le tulaga maua pea o taumafa, o se isi lea o faamuamua o loo naunau le faigāmalo fou a le Faatuatua i le Atua Samoa ua Tasi e una’ia malosi.
E 20 avanoa sikolasipi mo a’oa’oga i tomai i matāupu tau faato’aga ua ofoina mai e le Malo o Isaraelu mo Samoa, ma ua faailoa lea fesoasoani mo lo tatou atunuu e le afioga i le Palemia susuga Laaulialemalietoa Leuatea Polataivao Fosi Schmidt i se faatalanoaga ma le polokalame o le Tanoa Ava a le Radio Samoa i le faai’uga o le vaiaso ua mavae atu nei.
Le afioga i le Palemia susuga Laaulialemalietoa Leuatea Polataivao Fosi Schmidt.
