Lua komiuniti cases o le Koviti ua faamaonia I Tonga, ma ua talo ai le lockdown amata I le aso
Ao mafatia Tonga mai le mauga mu ma le tsunami, o le po anapo na faamaonia mai ai e le palemia o Tonga le faamaonia o tagata e toalua I le uafu I le maea faia ai o siaki o le toa lima sefulu
O tagata toalua ua maua I le faamai ua uma tui e lua ma e oo mai anapo e tusa ma ripoti e le o faalogoina ni auga
Ua faamalosia ai ma le tatau ona faaaoga ufi fofoga I nofoaga faitele ma nonofo I le fale vagana ai faatauga e moomia ae e le I amatalia le lockdown I le itula e 6 ananei
O tagata toalua ua maua e le I iai se fesootaiga ma le militeli a Ausetalia lea na malaga atu ma faamomoli e fesoasoani ai ia Tonga ona o mala faanatura, ma mai le militeli a Ausetalia e ui ua faamaonia le 23 o le navy I le faamai e leai se isi na fesootai ma tagata ona o lea o loo faanofoesea uma I luga o le vaa
