E 19 tausaga o se tamaitai talavou ua maliu i le faalavelave tau taavale i Adelaide i le po anapo. Fai mai molimau na faavave atu e fesoasoani i avetaavale e toalua na aafia i le faalavelave lea i Waterloo Corner, o leisi na faasaoina mai peitai o le 19 tausaga lea e lei mafai ona laveaiina.
Fai mai le 9news e talitonuina na oso sao ane le taavale a le 19 tausaga lea i le itu na alu ane ai se loli i le tea o le 12 i le vaveao ma ua lipotia na mu le taavale a le talavou ma e ui na taumafai atu se tasi avetaavale na iloa ane le faalavelave e laveai peitai e lei faasaoina ai.
O le aveloli na ave atu i le falemai sa faamanualia foi ma o loo fesoasoani i suesuega a leoleo. Ua atoa ai i le 19 tausaga lea le 69 o tagata ua maumau soifua i luga o alatetele i Ausetalia i saute i lenei tausaga.
Puna o Faamatalaga: https://www.9news.com.au/national/adelaide-car-truck-crash-19-year-old-woman-dies/b315f0a1-95a9-4395-8ef6-005db7e493ba
