E to’a 19 fanau a le atunuu ua sauni e saili o latou faailoga o le Bachelor degree, Post Graduate Diplomas, Master of Public Health ma le PhD, i le fesoasoani a le faalapotopotoga faavae o le Yasaki Kizuna Foundation o le a totogiina lo latou feagai ai ma aoaoga mo ia faailoga.

Ua faailoa e le tamaitai Pule o le Iunivesite Aoao a Samoa le afioga Tuifuisa’a Patila Amosa i se pepa o faasalalauga, o se lagolago tāua tele lea mo fanau a le atunuu ua ofoina e le faalapotopotoga o le Yasaki Kizuna Foundation, auā ua faaiuina ma le manuia le taumafai o nisi o tamafanau a Samoa sa fesoasoani foi iai lea faalapotopotoga faavae.

E toa 13 o le a sue o latou faailoga Bachelor Degree, toafa le Posat Graduate Diplomas, ae toatasi e saili le faailoga o le Master of Public Health ma le isi toatasi o le a saili lona faailoga o le PhD.

E 43 isi fanau a le atunuu o loo faatupe e lea faalapotopotoga a latou aoaoga i le taimi nei, ae ua 62 le aofaiga atoa o tama ma teine o loo lagolago e le faalapotopotoga mo lenei tausaga atoa.

O i latou e toa sefuluiva ua faamanuiaina i ia avanoa sikolasipi o Suiselanu Esau, Lupe Iosefa, Lisafonotele Vili, Samanther Mikaele Eteuati, Alana Maliko, Marjorie Leung Choi, Sheronite Lima, Cedrella Lepapaigalagala Elisara, Fetulima Faimanifo, Mackenzie Faaeenotimoli GRA, Daniellemuti Pili, Krystal Taulapapa, Ietitaia Simi, Xiaomei Isara Aofia, Eileen Danielle Williams-Peni, Anzac Mauava Tai-Leituala, ma Gerrit Peni.