E lima masina o le a faagasolo ai galuega o le fausia o le nofoaga fou e taunuu iai pasese ma faaee ai malaga a vaalele laiti i le malaevaalele faavaomalo i Faleolo, ma o se galuega na aloaia lona amatalia i le sauniga na suaina ai le eleele sa faia i le Aso Faraile na te’a nei.
Ua fausia fuafua lea nofoaga i le taimi o le a pisi ai galuega i le malaevaalele autu o le atunuu i le gasolo mai o usugafono mo le fono a Ulu o Malo o le Taupulega, e pei ona fuafua e tatau ona mae’a fausia ia Setema a o lumanai lea taligamalo i le masina o Oketopa o le tausaga nei.
O le saunoaga a le ta’ita’i o le Malo le afioga i le Tamaitai Palemia, Afioga Fiame Dr Naomi Mataafa i le sauniga o le suaina o le eleele e amata ai lea galuega i le malaevaalele faavaomalo i Faleolo.
