O mātua o se teineitiiti 8 tausaga o Elizabeth Struhs lea na uma lona ola i le itu i Sisifo o Brisbane ina ua toeititi atoa le vaiaso e le’i tuuina iai lana insulin mo lona ma’i suka, ua lauina nei o la faai’uga i le faamasinoga e ta’i 14 tausaga e falepuipui ai ona o le fasioti tagata pa’ivalea.

Fai mai le BBC o le 2019 na faamauina ai le aafia o Elizabeth i le Type 1 diabetes ma sa logoina lona aiga o le a mana’omia le faia o ona tui o le gasegase i aso ta’itasi.

O ona mātua e pei ona ta’ua i le lipoti o ni sui o se talitonuga faalelotu e igoa o le The Saints latou te tetee i tausiga faafoma’i ae talitonu e faamālōlō e le Atua le teineitiiti.

Na maliu Elizabeth ia Ianuari 2022 ona o le gasegase lea na aafia ai ina ua ta’ua e le’i faia lona tui mo le toeitiiti vaiaso atoa.

O ona mātua e aofia i tagata e to’a 14 ua faamaonia uma moliaga o le fasioti tagata pa’ivalea e faatatau i le mataupu lea i le masina talu ai.

O le ta’ita’i o le The Saints, Brendan Stevens ua falepuipui mo le 13 tausaga a o isi uma sui e to’a 11 ua tuuina iai faasalaga o le ta’i 6-9 tausaga i le falepuipui.

Puna o Faamatalaga: https://www.google.com/amp/s/www.bbc.com/news/articles/cp9yxvjx19go.amp