E tusa ma le 101 kilokalama o cocaine lea na maua e le vaega o tiute i le malaevaalele i Aukilani i le faai’uga o le vaiaso faato’ā uma atu.
O loo iai le talitonuga o le uta tele lea o fualaau faasāina ua maua i se malaevaalele i Niu Sila.
Ua lipotia o cocaine nei na aumai i totonu o ato na sau ma le malaga a le Hawaiian Airlines i le po o le Aso Toonai ma e faapea na afifi mai peiseai o ni poloka piliki.
O se uta e faatusaina lona tau pe ana faapea nei ae faatau i tua e $35.4 miliona.
O loo faaauau pea nei su’esu’ega a le vaega o tiute e tusa ma lipoti tuuina mai a o faaopoopo ai pea fualaau faasāina e maua i le malaevaalele.
Puna o Faamatalaga: Largest bust of its kind — 101kg of cocaine at Auckland Airport
