Ua silia atu i le 10 tausaga o sue pea e leoleo se tasi tagata sa feta’ua’ina le taufaasese i luga o upega tafailagi ae o lea ua maua.
Na faailoa e leoleo i le 9News o le tagata lea na te faafesootaia tagata i luga o upega tafailagi, tagata o loo sue ni fale mautotogi, na te ofoina iai fale a o ia lei faatonuina le totogi o le bond ma le tupe o le rent ina ia faamautu ai lo latou mauaina o se fale.
A mae’a lea ona faamuta ai lea o ana fesootaiga ma ia tagata pe afai ua uma ona totogi ane le bond ma le rent.
Fai mai leoleo na fai mai lava le gaioiga lea a lea tagata mai lava i le 2011.
O le vaiaso nei la ua pue ai loa e leoleo mai se fale i Melepone sa lafilafi ai mai leoleo mo le silia ma le 10 tausaga.
E fai si tele o ona moliaga ua faia nei ma ua taofia seia aulia le aso 20 o Aperila e toe tulai ai i le faamasinoga i Melepone.
