O se tasi o fitafita iloga a Niu Sila ma e na o ia foi le tagata Niu Sila o loo soifua mai na mauaina le Victoria Cross, se tasi o faailoga tāua, ua filifilia nei e avea ma sui faapitoa i le vaega o le puipuiga a le atunuu ma siitia foi lona tulaga.
O Willie Apiata ua lipotia i le Newshub i le vaiaso nei, ua filifilia i lea tofga faapitoa o le Special Representative to the NZ Defence Force ma siitia i le tulaga o le Honorary Warrant Office ma sa faataunuuina lea faamoemoe i le Papakura Military Camp i le aso ananafi.
O lona uiga o Apiata le tagata muamua ua filifilia i lea tofiga ma sa ia faailoa lona agaga faafetai ina ua filifilia i lea tofiga fou ma ia faailoa ai ona o lona mauaina o le Victoria Cross, o lona uiga e avea lava ia ma sui o tagata Niu Sila i aso uma.
O le 2007 na ia maua ai lea faailoga taualoa ona o lona lototoa i le taimi o le auaunaga faafitafita i Afghanistan i le 2004.
Puna o Faamatalaga: https://www.newshub.co.nz/home/new-zealand/2024/05/war-hero-willie-apiata-appointed-to-special-role-in-new-zealand-defence-force-first.html
