I ni nai aso o lumana’i o le a potopoto uma ai katinale mai vaega eseese o le lalolagi e sa’ilia le isi faauluuluga fou o le Ekalesia Katoliko o le a sosoo ai.
O le Pope fou o le a filifilia o le a suitulaga ia Pope Falanisisi ua tuumalo i le 88 tausaga o lona soifua.
O le aso 7 o le masina lenei o Me e amata ai le feiloa’iga a Katinale e pei ona faamaonia mai e le Vatikano ma o le aso lea o le a amata i se sauniga o le iukalisitia e faatinoina ma faia ai le tautoga a Katinale ma amata loa le latou potopotoga se’ia vaganā ua maua se Pope fou e autasi iai le ⅔ o sui auai.
O le faatasiga o loo faia i le Sistine Chapel i le Vatikana ae ua ta’ua foi mai tausaga ua tuana’i, o Roma lava sa masani ona faataunuu ai ia faatasiga.
Fai mai e 133 Katinale o le a aofia ai i lea faamoemoe.
Puna o Faamatalaga: https://www.9news.com.au/world/pope-election-conclave-what-is-it-when-is-it-how-does-it-work-explainer/3af02552-7323-488f-9ca8-7511d0a87e33
