Ua aga’i mālie ese atu le afā o Seru mai Vanuatu ma ua aveesea foi lapata’iga mo le itumalo o Tafea.
O le lipoti aupito lata mai mai le vaaitau a Vanuatu ua ta’ua ai ua toe oo nei le malosi o Seru i le vaega muamua poo le Category 1, o lona uiga ua faaitiitia le malosi ma o loo aga’i i le itu i Saute i Sasae i lona saosaoa e 21km i le itula.
Ua faailoa e le vaaitau o le a faaauau pea timuga mamafa i le tele o vaega i Saute o le atunuu lea foi e foliga o le a siitia ai foi le sou o le sami.
Fai mai o loo iai nei Seru i le itu i Saute Sisifo o Fiti ma aga’i pea i le faaitu lea ae faato’ā toe tatala atu foi a’oga i Fiti i le mae’a foi o le afā o Rae sa aafia ai isi ona faaitu.
Puna o Faamatalaga: https://www.rnz.co.nz/international/pacific-news/543127/cyclone-seru-moving-away-from-vanuatu
