A itiiti mai pe to’a 11 ua maliliu i le faalavelave ua lipotia mai i Vancouver ua faamatalaina e le CNN o se taavale na aga’i sa’o i se kulupu o tagata sa i luga o le alatele i le faaaliga poo le festival sa faia e faamanatu ai tu a tagata Filipino ma ua faailoa foi e to’atele o loo manunu’a ai.

Ua faaigoa foi e leoleo o se aso pogisa i le tala’aga o le aai lea o Vancouver.

Na lipotia o nisi na auai ai i lea faaaliga na fesoasoani ane i le pu’eina o le tagata o loo tuua’ia i le faalavelave lea, fai mai e 30 tausaga le matua o se alii ma e iai le tala’aga i le aafia i le gasegase o le mafaufau ma e iloa foi e leoleo.

Ua faailoa i lipoti a leoleo o i latou ua maliliu e amata mai i le 5 tausaga e oo i le 65 tausaga le matutua ma le to’atele o loo manunu’a.

O se faalavelave na tupu i le faai’uga o le vaiaso a o faamanatu ai le Lapulapu Day, o le igoa o le festival lea e faailoga a le komiuniti Filipino i British Colombia.

Ua maua e leoleo le alii na faatinoina le faalavelave ae lē o faailoa poo le ā tonu le mafua’aga ua ia faatino ai lea gaioiga ma o loo faaauau i le aso su’esu’ega.

Puna o Faamatalaga: https://edition.cnn.com/2025/04/27/americas/canada-car-ramming-filipino-festival-intl-hnk/index.html