Ua lapataia e le pati a Maori le Palemia ma le malo, e le toe foi mai i le palota o loma nei.
O tala nei a le pati anapo a o faalauiloa ai ana faatosina o le palota tele i se tasi o sauniga faapitoa o le Matariki i Sisifo o Aukilani.
E faitau afe na tumutumu ai anapo ma o lea na molimau i tala mai taitai ma sui o le pati a Maori.
O se lafoga na faia a o lē fiafia ai le pati a Maori i le lē faia e le malo o se lafoga e totogi e tagata mai tupe mamā e maua mai le faatau ese atu o aseta e iai fale, poo capital gains tax ma le wealth tax.
Fai mai le pati a Maori, o loo latou tutu malosi e faamuta le mativa ma o lea o loo lagolago malosi le tatau ona faia o lafoga nei.
Fai mai le taitai o le pati a Maori, Debbie Ngarewa Packer, e le mamao le silasila a le Palemia ia Chris Hipkins, o lea lava e gata i le tolu masina o i luma ma o loo faatatau lea i le palota tele ia Oketopa.
